Sot protesta për tragjedinë e Himarës, kërkohet dorëheqja e Çuçit, Kumbaros dhe Nanos

Vdekja tragjike e 7-vjeçares Jonada Avdia në Himarë më 2 gusht, do të sjellë sërish një protestë në kryeqytet. Protesta është lajmëruar se do të mbahet këtë të hënë para Ministrisë së Brendshme, në orën 19:30, nën moton “Drejtësi për Jonadën”, e cila humbi jetën ndërsa pushonte me familjen në plazhin e Himarës, kur skafi i komisarit Arjan Tase e përplasi dhe i mori jetën në vend.

Më 4 gusht, vetëm 2 ditë pas tragjedisë së ndodhur në Potam, qytetarët zhvilluan një protestë paqësore para ministrisë së Brendshme nën moton “Drejtësi për Jonadën” dhe “Nuk e vrau varka, e vrau shteti.”