Bledar Koçi: LEGJENDË…

Ç’mynxyrë do të ndillte kaluar asaj ane,

e derdhur në hire një zanë bukurane…

Në ç’kob ulërimash do nxinte një natë,

vëllai vëllanë tek therte me shpatë.

Ç’mallkim zemërate do dridhej mbi buzë,

nga tjetri e zbrazur me forcën topuz.

Ç’legjendë dashurore që zemrat i shemb,

dënuar Një Zoti, të kthyer në shkëmb.

…..

Rrëkezë lumë-lotësh nuk shteri një zanë

Kur qau dy dhimbjesh vëllezërit Viganë.