Sazan Goliku: THESI I NËNË MARIES

Vite e vite të djersitur Maria mbajti mbi kurriz

thesin me grurë e thekër, me elb e misër – një femër Atllas.

Po erdhi një ditë e bardhë!

I zbukuroi mendjen dhe i rëndoi thesin me ëndrrën magjike

për Fanin e saj të vogël që kishte frikë të shkonte

në klasën e parë nga mësuesi egërshan.

Por paskish qenë një ëndërr kokëfortë,

ndaj nënë Maria Fanin e saj e futi në thes…

Klithmat e çjerrjete djalit nuk i dëgjonte,

nuk i vështronte as sytë e shqyer të fshatit.

… dhe Fani i saj u bë Fan Noli ynë.