Hamit Aliaj: SKËNDERBETË TANË…

Skënderbetë tanë gati i kanë të gjitha:

Përkrenaren me brinat e dhisë,

Shpatat, me përmasat e asaj të Gjergjit në muze të Vjenës,

Veshjet mesjetare të luftës a ceremonive,

Kalin e porositur në hipodromet e Europës

Dhe turmat që i brohorasin logjeve të Arbnisë

Po për të qenë Skënderbe tamam

Duhen dy sulltanë për t’i mundur

Skënderbetë tanë shpallin sulltanë njëri – tjetrin,

Dhe i rrethojnë në Tiranë

Për të qenë Skënderbe i njëmendtë

Duhen ca principata

E mtonjësit për Skënderbe

Në principata e bajraqe e ndajnë Arbninë e dy Drinave

E pastaj bëjnë thirrje për bashkim

E sëfundi , për të qenë Skënderbe

Patjetër duhet një Mesjetë,

Mtonjësit për Skënderbe janë kthyesit e kohëve të vdekura

Mbrapsht i vërtitin akrepët e orëve,

Mesjeta pret jashtë te gardhi i oborreve…

……..

Luksembourg, 08.11.2022