MIKE, NATA DO NA DALË?

Mike, nata do na dalë?

Zemra valë të na marrë?

Të qërojmë rrudhat në ballë

Dhe zemrën në pjesë ta ndajmë?

Mike, do na dalë nata

Të shtrojmë flokët e gjata?

Të puthim buzët e mjalta

Të ndukim gjiret e larta?

Në mos daltë mike, ç’thua?

-Nga hëna do marrim hua

Mike, netët do mjaftojnë

Flokatet për qejf t’i shtrojmë?

Vitet që ikën t’i ftojmë

Të flenë të dehur në dhomë?

Mike, do mjaftojë dimri

Pranë zjarrit të mos vijë zgjimi?

Le të jetë një stinë dëfrimi

Se një ditë do vijë zhgënjimi

Në mos daltë, mike ç’thua?!

-Dua zjarr! Pa gjumë s’dua!