Shuhet sot dhe Jeff Beck, një nga kitaristët më të shquar të Rock

Përpara 1966-ës bluzi, sidomos bluzi i thellë, ishte i lodhur, i zvargur, i dalë boje dhe pak tërheqës, por atëhere u shfaqën disa kitaristë gjenialë të cilët u bënë heronjtë që ndërtuan Rokun siç e njohim sot: Jimmy Page, Jeff Beck, Eric Clapton, Peter Green, Jimi Hendrix. Pikërisht në vitin 1966 lindi heroi kitarist.

Grupi Yardbirds ishte pikënisja për karrierën e tre kitaristëve më të famshëm të Rokut: Eric Clapton, Jimmy Page dhe Jeff Beck, të cilët u renditën në top pesëshen e listës së 100 kitaristëve më të mëdhenj të revistës Rolling Stone.