Yzedin Hima: Kohë pendese

 

Era

i theu kambanat këtë mëngjes

midis ëndrrës, jehona e kambanave

theu cipën e akujve

dhe u përcoll larg

shpirtrat lakuriq u drodhën

e mbërdhinë fort këtë mëngjes

era

i theu kambanat

midis jetës dhe vdekjes

shpirtrat u drodhën

midis krimit dhe mëshirës

shpirtrat u lodhën

është kohë pendese

për shpirtrat e lerosur

është kohë ringjallje

për shpirtrat e varrosur

era i tundi fort kambanat

dhe theu cipën e akujve

1990.