Vlora Obertinca: Ylli polar…

 

Ylli im je yll polar,

Jo rastësisht

Zoti të ka ndarë.

 

Të gjitha yjet më ruajnë natën,

Por vetëm dritën e yllit tënd

E shoh të vezullojë ndaras.

 

Më mjafton ta shikoj

Lart në qiell,

E kur bie në gjumë.

Më vjen në ëndërr çdo herë.

 

Aty rrijmë tok

Dhe i qajmë hallet,

Mbase jam e vetmja

Që në gjumë t’i shëron plagët.

 

Të kanë marrë shumë

nga drita jote

Je shumë zemërgjerë,

Por, ka njerëz

Që s’ngopen.

 

Mos ki frikë

Se këtu më ke mua,

Kur unë fle

Të jap gjysmën e dritës

Që ta kanë hijesuar.

 

E pra, ti je yll polar

E unë jam i vetmi diell,

Drita ime do të ngrohë

Për çdo dimër e verë.

22. 01. 2023.