Mimoza Bici: Rrugës për tek ti!

 

Ra shi

Kur?

Njerëz me çadra

rrugët e lagura

shkreptimat

diku trembin.

 

Bie shi?

Ku?

Brenda meje lumenjtë po thahen

Gjapërinjtë gërryejnë

të vetmen pemë

për të ndalur

këngën e gjinkallës.

 

Ra shi

Si?

Paskan etje të vdekurit

Unë dua të bëj dashuri.

 

Pushoi shiu

Çfarë?

Ku ndodhem?

Përmbytja më kish transportuar mbi një tjetër trup

Ai kish vdekur

Unë ende jo…

Fut veten brenda tij

Të vdekurit janë e vetmja strehë

rrugës për parajsë

aty ku me të vërtetë bëhet dashuri.

Pas lash lumenjtë e tharrë

të vetmen pemë

rrethuar gjarpërinjsh.

 

Kishte rënë shi

Do të bierë shi…

Notoj përhumbur

Askush s’më ndal

Të kërkoj ty

Dielli si një gjinkallë e vetme

pemës së jetës

të pasqyron fshehur pas vetes

Duhet të bësh shumë

shumë dashuri

për të arritur tek ti

Askush nuk më ndal

Rrugës, lindur për ty!

Qershor 2023.