Zana Tako: Je apo nuk je ti?

 

Je apo nuk je ti?

Në vrullin e dallgës që përplaset me furi

Gjëagjëzë që godet shpirtin tim

Jehonë që përcjell tinguj jete

Jo e largët

As si hon thellësie

Dallga përplaset me furi

Mbi shkëmbinj dashurie.

 

Nuk frikem

Tek shoh me kërshëri

Je apo nuk je ti?

Gjëagjëzë

Brenda dallgës që përplaset me furi.

 

Nuk copëtohesh

Ndaj më vjen çudi

Forca e përplasjes

Kthehet pas e pafuqi.

 

Je apo nuk je ti?

Fjala tretet

E shkon pas dallgëve që nuk e fundosin

por e nxjerrin në sipërfaqe përsëri…

25 Tetor 2023.