Avdush Canaj: KUR TI FLE

 

Kur fle trëndafilisht

ti, i miri

ëndërron

si flutura

si cicamiu

xhaxhi poeti

vjershës ia kreh flokët

më krehërin e rimave

ia lidh bistekët

si kalliri.

 

Faqet ia pikturon

me mollë

të të ëmbëlsoj ty

si dje

agimit i troket në dritare

dhe bie të flejë.

 

Zgjohet paspak

ka harruar vargun e mesit

t’ia vë ylberin

rreth brezit.

 

Dhe ti zgjohesh

mrekullohesh

këndon si qershia.

 

Kështu është magjia

të bën pëllumb

në ballkon të mëngjesit.