Rudina Muharremi Beja: TI MË THUA

Ti më thua se egërsia e kohës

nuk mund ta mbulojë dritën e një shpirti

as firauni që zbret errëtisë së shkallëve

e me nofulla të mermerta përtyp një enigmë

as të pabesët që u fshehën barkut të një kali

mbërritur si “dhuratë e zotave”

më pas për të shndërruar gjithçka në gërmadhë…

Ti më thua se poshtë rrënojave të hirta

gjithmonë një feniks mbetet gjallë…