Anilda Ibrahimi merr çmimin “Rapallo Carige” në Itali

Shkrimtarja shqiptare Anilda Ibrahimi është vlerësuar me çmimin Kombëtar letrar për gratë shkrimtare « Rapallo Carige» në Itali.

Në edicionin e 33 të këtij çmimi, Ibrahimi është vlerësuar për romanin «Emri yt është një premtim » botim i Einaudi 2017.

Anilda e cila prej 20 vitesh jeton në Itali ka qënë përballë dy kandidatëve të tjerë të rëndësishëm për këtë cmim, shkrimtarëve Paola Cereda, me “Rrëfimet e një Smooth Dancer guximshme”dhe Grazia Verasani me “Letrën drejtuar Dina” (Giunti, 2016).

Në votimin e përbashkët të të dy jurive, Anilda Ibrahimi mori 21 vota; 16 vota shkuan për Paola Cereda; 12 për Grazia Verasani.

Romani “Emri juaj është një premtim” tregon historinë torturuese të një familje hebreje që u ikin nazistëve. Jeta e dy motrave që ndahen nga historia , si dhe Shqipëria e Mbretit Zog dhe Tirana e pas luftës së dytë botërore.

Një roman mes historisë dhe mendimit e bën Ibrahimin një zë interesant në prozën bashkëkohore sot. Anilda Ibrahimi prej vitesh ka debutuar në tregun e librit italian.

Romani i saj i parë është « E kuqe si nusja »botuar nga Einaudi në vitin 2008, me të cilin është vlerësuar dhe me çmimet “Edoardo Kihlgren”, “Corrado Alvaro”, “Giuseppe Antonio Arena” etj. Më pas boton “Dashuria dhe rreckat e kohës”. Në vitin 2012 botoi “Nuk është ëmbëlsi”.