Agnesa Vuthaj prezanton linjën e çantave në javën e modës në New York

Modelja e njohur, Agnesa Vuthaj arriti të çojë suksesin e saj në javën e modës në New York. Ajo prezantoi koleksionin e saj të çantave për sezonin pranverë/verë 2018. Miss-i shqiptar është bërë pjesë e ‘Flying Soho’, kompani që ka dizajnerë amerikanë dhe ndërkombëtarë. Në një postim në rrjetin e saj social Instagram modelja shkruan “Kisha nderin e madh të shfaq linjën time të cantave në Javën e Modës në New York. Ndihem e nderuar dhe e emocionuar që ta ndaj këtë gjë me ju”. Ndërkohë ka publikuar disa pamje të modeleve duke reklamuar cantat e saj, të cilat po bëhen të njohura në të gjithë botën.