Vera Kurti: In the air, tonight

 

 

Më ndjekin

Apo unë i ndjek të vegjëlit

Qysh se të pashë u dashurova me sytë e tu, ëngjëll i bukur

Dhe fati e solli, që unë të isha kaq pranë teje

Pranë, që dhe një vogëlushe tjetër

Ti e kishe mbuluar trupin e saj me të bukurën buzëqeshje

Ah, këto rripat e sigurimit

Dhe krevati ku ti do të flije

Si lidhëset e këpucëve

Prisnin trupin të ta lidhnin

Atje sipër, në kullën e vogël, trupi yt gjysmë i ngritur ishe më i lirë

Çfarë fati, rrezja jote e të parit binte mbi mua si drita e hënëzës ardhur prej qiellit

Dhe qeshje e qeshje,

Dhe mami që kish sy të të shihte veç ty

Nuk na shihte që ne ‘dashuroheshim’ me buzëqeshje

Ç’gëzim ndjen shpirti kur flet me një bebe

Më në fund, mami e gjeti rrugën se ku fluturonnin buzëqeshja dhe gugutë e tua

Hah, there you are,

Her smile just like yours

U tremba pakëz, por jo

Sytë iu mbushën me dritë të bukur

Si drita e syve të tu.

Sa muajsh ishe?

I kishe mbushur 6-të?

E unë mbi të gjashtëdhjetat

Duhet të jem e çmendur

Apo qysh kur linda e tillë jam lindur

Mbeta e dashuruar pas fëmijëve…