Izraeli dhe Rusia arrijnë marrëveshje për largimin e Iranit nga kufiri sirian

Izraeli dhe Rusia kanë arritur një marrëveshje sekrete për të distancuar forcat iraniane nga zona kufitare në jug të Sirisë, njoftoi të hënën Israeli TV, pasi Jerusalemi dhe Moska dërguan mesazhe të ndryshme lidhur me shkallën e tolerancës së tyre ndaj pranisë ushtarake të Iranit në atë vend.

Sipas marrëveshjes, Izraeli do të pranojë kthimin e ushtarëve të regjimit sirian në kufirin në Lartësitë e Golan, në këmbim të Rusisë që garanton se nuk ka forca iraniane apo Hezbollah në zonë, raportoi  Hadashot TV.

Rusia do t’u kërkojë gjithashtu të gjitha trupave të huaja të largohen nga Siria, duke përfshirë jo vetëm Iranin dhe grupin terrorist libanez, Hezbollahun, por edhe Shtetet e Bashkuara dhe Turqinë, tha raporti. Marrëveshja thuhet se u finalizua në një telefonatë të premten mes Ministrit të Mbrojtjes së Izraelit, Avigdor Liberman dhe homologut të tij rus Sergei Shoigu.