Ndahet nga jeta kirurgu shqiptar, Flamur Tartari

Humbje e madhe për mjekësinë shqiptare, ku një nga doktorët më në zë është ndarë nga jeta ditën e sotme.

Bëhet fjalë për mjekun urolog, Flamur Tartari, i cili ka gjetur vdekjen në moshën 75-vjeçare.

Mjeku i ndjerë ka qenë kryetari i Shoqatës së Urologëve të Shqipërisë.

Ndarja nga jeta e mjekut kirurg vjen krejt papritur, pasi ai vijonte të punonte në një prej spitaleve private në kryeqytet.

Pak kohë më parë në një intervistë për mediat, Tartari shprehej se kohët e fundit kishte ndërmend të shkruante dhe një libër për vuajtjet e një kirurgu.

Madje ai ka shkruar rreth 20 libra, lidhur me tematikat e shëndetësisë dhe mjekësisë.