Faezeh Hashemi: Shembja e regjimit iranian në përmbajtje ka ndodhur

Faezeh Hashemi, ish-deputete dhe vajza e shquar e Akbar Hashemi Rafsanjani (klerik i fuqishëm që nuk jeton më dhe ish-president i regjimit), ka thënë “sistemi sundues iranian është shembur tashmë në përmbajtje dhe ajo që ka mbetur është vetëm forma”. Hashemi, në një intervistë me gazetën ‘Mostaghel’, tha: “Nga pikëpamja ime, shembja në përmbajtje ka ndodhur; nuk ka ndodhur ende vetëm shembja formacionale dhe fizike dhe ka shumë mundësi që edhe kjo të ndodhë”. Ish-parlamentarja e regjimit beson se regjimi i ka mbajtur themelet e tij “të pacënuara” vetëm përmes terrorit dhe frikës. Nga pikëpamja e saj, pavarësisht faktit se regjimi po e përdor më pak rrahjen publike sesa në vitin 2009, ai ka vendosur kushte të rënda burgu mbi shtresa të ndryshme, duke përfshirë punëtorët, mësuesit, shoferët, studentët, aktivistët e mjedisit, dhe biznesmenët. Në të njëjtën linjë, Hashemi konsideroi dy arsye për mosndodhjen e “shembjes së dukshme dhe fizike” të regjimit. Njëra është “shtypja e lartë” dhe frikësimi ndaj klasave të ndryshme, ndërsa një tjetër arsye është shqetësimi se “nëse ky regjim bie, çfarë do të ndodhë më pas”. “Por shembja e regjimit në përmbajtje ka ndodhur, pasi kudo që shikon, ka fiasko”, deklaroi Hashemi.