Dhurata e Vuçiçit për Putinin, një qen Sharri nga Kosova!

Presidenti serb Aleksandar Vuçiç do t’i japë Presidentit rus Vladimir Putin një dhuratë origjinale, një këlysh të Sharrit. Sipas portalit serb “Blic”, ky është një qenush mashkull, tre muajsh i kësaj race dhe origjina është nga malet e Sharrit. “Qenushi ka breza të shtatë gjeneratave prapa. Bëhet fjalë për llojin më të vjetër autokton dhe dihet se Putini i pëlqen këto raca”. Kjo, sipas medias serbe në fjalë, është herë të parë që Presidenti i Serbisë e jep këtë lloj dhurate.