Historia e Irma Zefit, vajzës lesbike që u detyrua të largohej nga Shqipëria

Edhe pse jemi në vitin 2019 orientimi seksual vazhdon ende të jetë tabu në vendin tonë. I tillë është edhe rasti i 23-vjeçares Irma Zefi e cila kishte të tilla prirje, por që mentaliteti i egër e paragjykonte shumë. Familia ishte e para që e largoi sapo mori vesh faktin që Irma ishte lesbike. Ajo i ka ndërprerë përfundimisht kontaktet me familien, madje ato duan ta heqin edhe nga regjistri i gjendjes civile se i ka turpëruar. Vajza ka studiuar për inxhinieri nafte, por është ndier e diskriminuar pasi e kanë tallur e ofenduar. Ka punuar për afro dy vite dhe është detyruar të lejë çdo lloj veprimtarie në vendin e saj për të emigruar. Ndaj vendosi të largohej përfundimisht nga Shqipëria.