Mimoza Bici: Vajzë liqeni…

https://www.facebook.com/mimoza.bici/videos/10206108043055968/?t=21

Vajzë liqeni
blu si qielli
flokë dielli
ku lodron?
Eja merrmë
ik prej territ
Kam një këngë
duhet ta zgjosh
Ah ky shpirt
plasur yjesh
të ka ëndërr…ëndërzo!

Lëkurën toka ta vesh
Hiqe, hiqe…fluturo
Ik prej djalit, ik prej djallit
Të mban lule për t’u tharrë
Lot liqeni për t’u lar’
I ndez zjarrin, shuan mallin
tek venitesh për asgjë…

Vajzë liqeni
blu si qielli
flokë dielli
Eja frymë…ik prej territ
Ka një këngë për ty diku
Shko e zgjoje sydrita ime
Erdhi koha të vish tek unē
Nuk je engjëll, as vegim
Je pasqyrë e shpirtit tim.

Mimoza Bici, poezi nga cikli i poezive “Lulenata”, Pogradec 12 korrik 2019.

Please follow and like us: