Ndërron jetë nëna e prokurores speciale, Katica Janeva!

Këtë të mërkurë u arrestua prokurorja speciale në Maqedoninë e Veriut, Katica Janeva. Pak pasi është njoftuar për arrestimin e prokurores, mediat vendase raportojnë se nëna e saj ka ndërruar jetë. “Republika” raporton se mamaja e Janevës ka ndërruar jetë ditën e sotme në Gevgelija, qytet në kufi me Greqinë. Prokurorët e çështjes “Zhvatja” kanë deklaruar se kjo ngjarje nuk do të ndikojë në kërkesën e tyre për arrestimin e Janevës. Prokurorja speciale, Katica Janeva të martën ka dëshmuar para Prokurorisë, lidhur me rastin “Zhvatja”, të zhvatjes së 1.5 milion euro të një afaristi, nga dy persona të afërt me kreun e speciales. Janeva, bazuar në një video-inicizim të publikuar nga një gazetë italiane “La Verita” dyshohet të jetë përfshirë në këtë skandal. Bojan Jovanovski dhe Zoran Mileski dy personat që shihen në incizim duke marrë paratë, i premtojnë afarstit, Orce Kamçev se në bashkëpunim me Katica Janevën do t’i lehtësojnë atij procesin gjyqësor në një aferë tjetër korruptive.