Qendra Xhoi & Xhulia, cikël veprimtarish nën moton “Fol me mua”

Muaj Tetor përfshin një numër veprimtarish iniciuar nga Qendra Xhoi & Xhulia

“Fol me mua”
Seminar në disa shkolla të mesme publike dhe private në të gjithë Shqipërinë për të hartuar një draft, të cilën do e adresojmë në Ministrinë e Arsimit, e kjo e fundit ka tagrin për të ia deleguar parlamentit që të bëjë përmirësime cilësore dhe sasiore të mësimdhënies dhe kurrikulave të shoqëruara me terapi psikologjike e sociale në mënyrë të tillë ku adoleshentët e të rinjtë të dëgjohen më tepër, e shërbimet me profesioniste të disa fushave të bëhen pjesë e mësimdhënies dhe edukimit në distancë përpos psikologëve që gjenden të atashur pranë shkollave.
Disa nga problemet që ngritëm të thjeshta në dukje, por me shumë rëndësi ishin:
1.  Sa mundësi keni të gjeni veten në mjediset e shkollës suaj dhe a jeni normalë të qetë gjatë zhvillimit të orëve të mësimit?

2. A ju dëgjojnë mësuesit dhe psikologët shkollorë apo nuk mund të shpreheni mjaftueshëm pranë tyre?

3. Brengat shpirtërore kujt ia përcillni më lehtë:

• Shoqërisë apo familjes.
• Njërit prind, apo të dyve në të njëjtën kohë
• Mësuesit apo Psikologut?

4. Çfarë doni të ndryshojë në shkollën tuaj?

5. A jeni të rrezikuar nga individë që ofrojnë cigare hashashi ose elementë të tjerë me rrezikshmëri të lartë?

6. Çfarë cilësish duhet të zotërojë një mësues i mirë?

7. Sa të tillë janë në shkollën tuaj!

8. A kanë probleme dhe gabime tekstet shkollore?

9. Cilat libra lexoni më se shumti jashte shkolle dhe a keni kohë të mjaftueshme për të lexuar pasi përfundon përgatitja ditore?

10. A e dëshironi shkollën e nga 1- 10 sa herë në javë bëheni pesimist që frekuentoni këtë shkollë sepse nuk keni mësues aspak interaktiv?