Përurohet në Parma busti i Heroit Kombëtar, Gjergj Kastriot Skënderbeu

Si pjesë e edicionit të 13-të të muajit të Kulturës Shqiptare, në parkun Eunice Kennedy u vendos një monument kushtuar Gjergj Kastriot Skënderbeut.

Skënderbeu ishte një figurë kryesore në historinë e Shqipërisë si një drejtues, strateg, mbrojtës krenar i tokës dhe i popullit të tij, por edhe i viseve europiane.

Skënderbeu luftoi ashpër kundër përparimit të Perandorisë Osmane, duke dëmtuar përhapjen e besimit mysliman në Evropën Lindore për mbi 25 vjet.

Nisma, e promovuar dhe mbështetur nga shoqata ‘Skënderberg’, u ndoq nga kryetari Federico Pizzarotti, Nicoletta Paci, Këshilltari për Pjesëmarrje dhe Bashkëpunim Ndërkombëtar dhe Zëvendës Këshilltari Marion Gajda.

Ambasadorja e Republikës së Shqipërisë në Itali, Anila Bitri, i shoqëruar nga Konsulli i Përgjithshëm i Republikës së Kosovës Adrian Andreja në Milano dhe nga Anila Pojani, Konsulli i Përgjithshëm i Shqipërisë në Milano falenderuan administratën dhe qytetin për iniciativën.