Albina Deda: 2 Prill, dhimbje e trishtim, por dhe optimizëm e idealizëm!

30 vite më parë Shkodra do përgjakej e Shqipëria do tronditej nga vrasjet makabër në piacën e saj të Arben Brocit dhe tri shokëve të tij.

Komunizmi dhe në grahmat e fundit do kënaqej me sadizëm dhe gjak!

U zgjodh Shkodra për t’u ekspozuar kriminalisht nga diktatura pse aty ishin ndezur shkëndijat e para të zjarrit të demokracisë.

Sot pas 30 vitesh paradoksi vazhdon.

Vrasësit e 2 Prillit, urdhërues dhe ekzekutorë janë akoma pa ndëshkim.

Gramoz Ruçi e të tjerë kriminelë drejtojnë sot parlamentin e shtetin.

Demokracia përjeton agoni e shpresa po shtegton.

Ndaj kjo ditë homazhi dhe nderimi le të kthehet në moment reflektimi e përbetimi.”Të mbrojmë lirinë tonë, votën tonë”.

Partia Demokratike, misonarja dhe shpresa jone!

Kujtesa për Arben Brocin dhe shokët e tij Besnikun, Nazmiun e Bujarin është sot e përzier me dhimbje e trishtim, por dhe me optimizëm e idealizëm për t’i shporruar nga pushteti bijtë e etërve që për 8 vite shkatërruan gjithçka!

Pak ditë na ndajnë nga fitorja mbi të keqen!

Të bashkuar drejt qeverisjes së PD dhe integrimit të shpejtë të vendit!