Vargje poetike nga Mustafa V. Spahiu

 

 

SONET PËR HORRAT

 

 

Të pispillosur pionët i sheh në lakesa,

Piratët iu vërsulen viktimave të veta –

Gjuhëpirajkë s’thonë gjëra të vërteta;

Flasin qenqe t’egërt s’të lënë mbresa.

 

Janë mendjesh t’pasqyrës veneciane,

Rrenacakët e kanë t’vetmen mbretëri!

Zonjave iu vardisen t’verdhë n’dredhi;

Premtim: kurorë, unazë, paj’e nishane!

 

Me fjali t’qelbëta – artificialë në qëllim,

Bijt’e bushtrës buzët me ëndje lëpijnë;

T’prishur sysh qëllimit nuk ia arrijnë, e

 

Marrin turpin ia mbathin në pakthim,

Zihen’pusi dhèurithat t’sëmur mental!

Horrat dihet s’kanë sensin universal!

 

E martë, 27 prill 2021, në Dardaninë Ilire.

 

 

TINGËLLIMA KRENARIE

 

 

Grunajash e harra çdo kokërr egjër,

Anamoravën e kam tapi,bes’e pronë,

Misrishtet i ujita me lot natën vonë;

Lisat me krina[1] rrisin bletën e egër!

 

Këmbej me gjarprin serum-un’idhësi,

E vetmja meritë që iu kam kumtuar-

Krejtësisht ligësitë me ligj t’saktësuar!

Mos e fshehni as gurin e turpit përbri.

 

As zemrat s’i keni – as duart e pastra,

Injoranca s’iu vlenë as dy – tri aspra;

Shkrepash me maraton keni bredhë –

 

Me ‘izmat’ jeni bërë magm’ëndërrtar,

Ham, ham klush t’sertë ngadhnjimtar;

Zëndanesh me kërsanë iu kanë tredhë.

 

 

E hënë, 26 prill 2021, në Dardaninë Ilire.

 

[1] krinë-a: luzmë bletësh