Rudina Muharremi Beja: Shkallët

Qarkuar zhurmash zgjoj dhe sot mëngjesin

e brenda ndjej boshin e së djeshmes,

lodhjen e vonë,

zhgënjyer nga paga lajkatare…

Sërish ngjit shkallët e një teatri të rremë

të pakohë,

pa të ardhme,

pa destinacion,

ku buratinë të tjerë të pafajshëm

kafshojnë pilula të hidhura hipokrizie

lakmisë që s’ngopet,

orëve që s’ ndalojnë,

duke lënë pas një jetë

ndonëse më të varfër

por njëmijë herë më e mirë…