Milazim Krasniqi: ISMAIL VLORA I PANJOHUR

Shpesh jam përpjekur ta kuptojë

atë botë të tijën të ftohtë si mermer,

atë dashuri prej babai të dhembshur

ndaj atdheut tonë të mjerë.

Nuk arrij ta lëvizë mjegullën

që e mbulon

ashtu e humb vullnetin, më saktë heq dorë,

përpiqem të gjej një temë më të lehtë,

në fund të fundit

kush jam unë ta kuptojë  Ismail Vlorën

enigmën që nuk e kuptuan

as miqtë e as armiqtë.

Ky edhe qe fati i Shqipërisë

faktikisht.