Dr. Iris Halili vjen nga SHBA për promovimin e dy librave të saj në Tiranë

Dr. Iris Halili vjen nga Shtetet e Bashkuara të Amerikës në Tiranë për të ndarë me lexuesit dhe miqtë e saj në Panarin e 25-të të Librit në Tiranë dy botimet që ka bërë së fundi: “Letërsia në psikanalizën e Frojdit dhe dilemat ekzistenciale”, botuar nga “Univers” dhe “Lideri nuk lind…bёhet”, hedhur në qarkullim nga “Dituria”. Promovimi i tyre do të bëhet më datë 17 nëntor 2022, ora 16.00 në sallën ovale të Pallatit të Kongreseve.
Këto dy botime vijnë si rezultat i një pune të gjatë studimesh nga autorja në Shqipëri dhe SHBA.
Profesorja e letërsisë moderne Iris Halili ka mbledhur të gjithë punimet e saj në fushën e psikanalizës që nga viti 1994 deri në vitin 2022 dhe i ka sjellë në një këndvështrim të ri, i vlefshëm për t’u përdorur nga nxënësit, studentët, mësuesit dhe pedagogët e letërsisë. Në përgatitjen e këtij botimi është përfshirë edhe ish-studentja e saj, Romelda Bozhani e cila ka përgatitur edhe parathënien e këtij botimi. Në fund, një grup ish-studentësh të saj ndajnë përvojën e tyre me pedagogen Halili. Në promovimin e këtij libri do të flasë Prof. As. Dr. Albana Ndoja.
Në këtë aktivitet do të promovohet edhe libri “Lideri nuk lind… bёhet”, një manual i lidershipit, botim i pazakontë që bëhet në këtë kategori studimesh në Shqipëri. Ky libër është vlerësuar nga bashkësia e lexuesve të Bukinist.al, duke u shpallur si botimi më i mirë i vitit 2020 në kategorinë e librave të zhvillimit personal dhe biznesit. Dr. Albert Gjoka do të bëjë prezantimin e këtij botimi.
Dr. Iris Halili ka qenë pedagoge e letërsisë moderne botërore në vitet 1995-2002 nё Departamentin e Letёrsisё, në Fakultetin Histori – Filologji, Universiteti i Tiranёs. Gjatё periudhёs 2000-2009, vazhdoi tё punojё si pedagoge e jashtme, po pranё kёtij departamenti. Prej vitit 2009 vendoset nё Shtetet e Bashkuara tё Amerikёs, ku pёrfundon Doktoratёn pёr Lidership dhe Zhvillim Organizatash. Aktualisht, jeton dhe punon nё Miami, Florida.
Librat e Dr. Iris Halilit i gjeni tek mjediset e Panairit të Librit dhe online, tek Bukinist.al: https://bukinist.al/sq/4061_iris-halili
Mirëpresim ardhjen tuaj, ditën e enjte, datë 17 nëntor 2022, ora 16.00, në sallën ovale të Pallatit të Kongreseve.