Vlora Obertinca: Yllit tim

 

Ylli im je yll polar

Jo rastësisht nga gjithë yjet,

Zoti të ka ndarë.

 

Të gjitha yjet më ruajn natën

Por, vetëm dritën e yllit tënd,

E shoh të vezullon ndaras.

 

Më mjafton ta shikoj

Lartë në qiell,

E kur bie në gjumë

Më vjen në ëndërr çdo herë.

 

Aty rrijmë tok

Dhe i qajmë hallet,

Mbase jam e vetmja

Që në gjumë t’i shëron plagët.

 

Të kanë marrë shumë

Nga drita jote

Je shumë zemërgjerë,

Por, ka njerëz

Që s’ngopen.

 

Mos ke frikë

Se këtu më ke mua,

Kur unë fle

Të jap gjysmën e dritës

Që ta kanë hijësuar.

 

E pra, ti je yll polar

E unë jam i vetmi diell,

Drita ime do të ngrohë

Për çdo dimër e verë.