Fatmire Duraku: Trëndafili

Triolet

 

I

Agu ia la vesën në petale e iku

Trëndafili i zgjeroi gjethet lart

Deshi të shihte kush ishte miku

Agu ia la vesën në petale e iku

 

Andej e këndej ndriti veç fiku

E shikimi i preku nërreze të art’

Agu ia la vesën në petalet e iku

Trëndafili i zgjeroi gjethet lart

 

II

Vajza me flokë të verdha ngec

Hije ndërmjet luleve nën vesë

Djali i faltretrëndafila dhe ec

Vajza me flokë të verdha ngec

 

Digjet etjes së dashurisë memec

E dita agon nën diell në mëngjes

Vajza me flokë të verdha ngec

Hije ndërmjet luleve nën vesë

 

III

Nën hije fiku loja vazhdon aty

Prej petalesh ikë bulë e vesës

Bie në tokë shikimi i ngrin në sy

Nën hije fiku loja vazhdon aty

 

Një rreze dielli i bashkoi të dy

Erë e trëndafili ik mes kreshtës

Nën hije fiku loja vazhdon aty

Prej petalesh ikë bulë e vesës.