Bordi i kompanisë “Yahoo” ka vendosur të pranojë kërkesën për blerje nga “Verizon”. Lajmi pritet të shpallet zyrtarisht të hënën apo të martën kur do të dalë një raport për gjendjen e kompanisë “Verizon”. Detajet e marrëveshjes janë ende të panjohura, por shifra e blerjes vlerësohet të jetë rreth 4,8 miliardë dollarë. Blerja do të përfshijë pjesën editoriale të “Yahoo”-s, si dhe atë të biznesit.

Marrëveshja për blerjen e “Yahoo”-s vjen rreth një vit pasi “Verizon” bleu AOL për 4,4 miliardë dollarë. “Yahoo” dhe AOL priten të shkrihen në biznesin e reklamave dhe përmbajtjes, nën kupolën e “Verizon”.

“Yahoo” do të mbajë pjesën e tij të aksioneve në grupin “Alibaba” dhe në “Yahoo Japan”.