Sulmet e Metës ndaj SPAK, reagon delegacioni i Bashkimit Evropian

Delegacioni i BE në Tiranë ka reaguar ndaj deklaratave dhe sulmeve të ardhura nga politika në adresë të Prokurorisë së Posaçme.

Duke iu referuar sulmeve që kreu i Partisë së Lirisë, Ilir Meta, adresoi ndaj kreut të SPAK Altin Dumani, delegacioni i BE nënvizon se intimidimet ndaj sistemit të drejtësisë nuk kanë vend në demokraci.

BE shpreh mbështetjen ndaj magjistratëve të angazhuar në drejtësinë e re, për të luftuar krimin e organizuar dhe korrupsionin.

“Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim deklaratat e Këshillit të Lartë të Prokurorisë duke dënuar si papranueshme deklaratat publike të drejtuara kundër SPAK.

Bashkimi Evropian qëndron pranë magjistratëve dhe profesionistëve shqiptarë të angazhuar në luftën kundër korrupsionit dhe krimit të organizuar“, thuhet në deklaratë.

Kujtojmë se më herë kundër sulmeve ndaj institucioneve të drejtësisë reagoi dhe ambasada e SHBA-ve dhe ajo britanike në Tiranë.

Kujtojmë se Meta akuzoi kreun e SPAK se hetimi ndaj tij nisi në vitin 2019, pas takimit që Dumani pati me ish-agjentin e lartë të FBI, Charles McGonigal. Ditën e sotme kreu i PL përdori një gjuhë fyese ndaj kreut të SPAK, ku aludoi se rihetimi i tij për çështjen CEZ-DIA bëhet me qëllim asgjësimin e Partisë së Lirisë.

https://euronews.al/sulmet-e-metes-ndaj-spak-reagon-delegacioni-i-bashkimit-evropian/

Please follow and like us: