Irena Dragoti: Ti do të vish
Shi i rrëmbyer ra sot në Michigan
e lagësht tokambajti frymën në liqen
zgjuar nga jehona e qiejve
që iu përplasën zemrës së lëmuar, prej erës…
*
E trishtë përmallja,
e bruztë dhe e pagojë largësia,
struken në vetminë e dridhur
në pol
pa na u bërë dheu arb,
por as ikje nuk e bëjmë dot.
Por ti do të vish herët a vonë
me hapa si aurorat boreale
Ajri këtu fle zbuluar
si në përralla premtimesh të bujshme.
*
Të pres në Saint Claire duke vozitur me sy
si dielli pas dritës
ardhjen tënde drejt më të vjetrës udhë
asaj të dashurisë…
