Harta: Konsumi i alkoolit sipas shteteve

Organizata Botërore e Shëndetit ka publikuar një hartë, që tregon konsumin e alkoolit kudo nëpër botë. Sipas hartës, rusët dhe fqinjët e tyre pinë më shumë alkool se kushdo tjetër në botë. Portugalia, Grenada dhe Andorra gjithashtu janë radhitur në kategorinë e vendeve që pinë më shumë se 12.5 litër për personat që janë mbi moshën 15 vjeç. Kanadezët pinë më shumë sesa amerikanët, ndërsa vendet e Afrikës veriore nuk janë konsumues të mëdhenj, krahasuar me vende si Afrika Jugore dhe Namibia. Shqipëria është përfshirë në vendet që pinë 5.0 – 7.4 litra alkool për personat mbi 15 vjeç.