Talenti, pa dyshim, është një kusht shumë i rëndësishëm për ta gjetur suksesin e famën në Hollivud, yjet të cilat i kemi renditur më poshtë, konsiderohen të jenë ndër më të talentuarat nga të gjitha aktoret, që janë aktive sot…..

Cate Blanchett ka qenë e nominuar shtatë herë për çmimin e madh ‘Oscar’, të cilin e ka fituar dy herë.

Julianne Moore, që prej momentit kur Julianne Moore luajti rolin e Amber Waves përplot vetëbesim në filmin “Boogie Nights” e gjithë bota e kishte kuptuar që e ardhmja e Moore-t si aktore ishte e ndritur.

Jennifer Lawrence, ajo ka dëshmuar se është e aftë për të luajtur role të mëdha në filma të zhanrit aksion, disa herë gjatë karrierës së saj.

Charlize Theron, aktorja që vjen nga Afrika e Jugut, e që njihet më së shumti për rolet e saj në filmat e zhanrit aksion, është, pa dyshim, njëra nga aktoret më joshëse dhe më të talentuara në industrinë amerikane të filmit.

Aktorja tashme e famshme, Anne Hathaway, hapat e parë si aktore i kishte bërë me paraqitjen e saj në filmin “The Princess Diaries”, kur edhe kishte filluar të vërehej talenti i saj.

Nicole Kidman, aktorja australiane, që dikur dukej se ishte bërë e famshme vetëm për shkak se ishte e martuar me Tom Cruise-n, ka arritur ta dëshmojë të kundërtën, duke e pozicionuar veten në majën e aktoreve të Hollivudit.