Apple ka prezantuar sistemin e ri operativ iOS 10, në konferencën e zhvilluesve që është duke e mbajtur në San Francisko.

Në prezantimin e iOS 10, Craig Federighi nga Apple tha: “Ky është lansimi më i madh i iOS ndonjëherë”.

Ai theksoi se sistemi i ri operativ ka 10 veçori të reja, duke përfshirë një ridizajnim të ekranit të mbyllur me njoftime më të pasura, bashkëveprim më të shpejtë me aplikacione dhe një përdorim të zgjeruar të 3D Touch, transmeton Gazeta Express.

Njoftimet e reja duken dukshëm më ndryshe, dhe me përdorimin e 3D Touch, ju mund t’iu përgjigjeni lehtë atyre dhe të bashkëveproni me aplikacione menjëherë.