Një shqiptar ka humbur jetën në një aksident rrugor në autostradën pranë Loreto di Fossano, Itali, dy ditë më parë. Mediat italiane shkruajnë se pavarësisht ndërhyrjes së autoambulancës, 39-vjeçari shqiptar Mark Pali, resident në Cherasco, ka humbur jetën. Shqiptari, i cili udhëtonte me motoçikletë u përplas nga një fugon tip “Fiat Doblò” gjatë pasdites së të shtunës. 39-vjeçari punonte në sektorin e ndërtimit. Ai la të ve gruan e tij Valbona dhe dy fëmijët, Renaton, 17-vjeç dhe Anitën, 15-vjeç, shkruan “La Stampa”. Funerali pritet të zhvillohet këtë fundjavë në Shqipëri.