Duke u nisur nga ato që thuhen në media lidhur me qëndrimin e ambasadores Romana Vlahutin për Reformën në Drejtësi, zëdhënësja e përfaqësueses së lartë të BE, Maja Kocijancic ka sqaruar për gazetaren Arta Tozaj në Bruksel, se qëndrimi i ambasadores europiane në vendin tonë reflekton idetë e Bashkimit Europian.

Sipas Kocijancic Reforma në Drejtësi është në përputhje të plotë me rekomandimet e Komisionit të Venecias.

“Qëndrimet e kreut të delegacionit të BE janë totalisht të koordinuara me selitë e BE ne Bruksel. Më lejoni të jem e qartë: Reforma e Drejtësisë reflekton rekomandimet e Komisionit të Venecias dhe është plotësisht në përputhje me standardet europiane. Ambasadorja Vlahutin është përfaqësuese e BE në Shqipëri dhe ka mbështetjen tonë të plotë.”

Kjo deklaratë nga Maja Kocijançiiç vjen pas akuzave të opozitës për njëanësi nga ana e ambasadores Vlahutin. Në fillim ish-kryeministri Sali Berisha pastaj edhe lideri i opozitës Lulzim Basha e akuzuan përfaqësuesen e BE si mbështetëse të Ramës.