“Ai na quante guralecë që duhet të largoheshim, me një ton ofendues dhe përbuzës, edhe pse kishim bërë gjithë atë punë bashkë me të për ta mbajtur partinë sa më të konsoliduar”, tha Pëllumbi

Sipas tij, edhe pse i ofenduar nga kryetari i burgosur, ai mori vendimin e dorëheqjes për të mos përcarë PS-në. Ai u shpreh se Nano ishte gati të krijonte një parti të re nëse Pëllumbi do të pranonte të bëhej kryetar i PS, gjë që ai shprehet se nuk e ka menduar kurrë.

“Në atë periudhë unë u përpoqa që të bashkoj korentet e ndryshme në PS, por çështja mesa duket, ishte thelluar dhe mund të shkonte deri në përçarje. Ishte bërë gati edhe krijimi i një partie të re në Fakultetin e Shkencave. Nëse unë do të pranoja këmbënguljen e shokëve që të zgjidhesha kryetar, duke larguar Fatos Nanon, do të ndodhte krijimi i një partie të re. As se kam menduar ndonjëherë të bëhesha kryetar i PS”, tha Pëllumbi