PARIS-MIDI, 1919/MYSLIMANË E TË KRISHTERË TË BASHKUAR NË SHQIPËRI. GJERGJ FISHTA DHE LUIGJ BUMÇI, ANËTARËT E RINJ TË DELEGACIONIT SHQIPTAR NË KONFERENCËN E PAQES NË PARIS

Burimi: gallica.bnf.fr/Bibliothèque nationale de France.

Nga Aurenc Bebja*, Francë.

“Paris-Midi” ka botuar, të dielën e 16 marsit 1919, në ballinë, një shkrim në lidhje me emërimin, 100 vite më parë, të Luigj Bumçit dhe Gjergj Fishtës në delegacionin shqiptar që përfaqësonte kombin tonë në Konferencën e Paqes në Paris, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar:

Myslimanët dhe të krishterët janë dakord në Shqipëri

Delegacioni shqiptar në Konferencën e Paqes është rritur me dy anëtarë të rinj. Ata janë Imzot (Luigj) Bumçi, peshkop i Lezhës dhe anëtar i Qeverisë së Përkohshme, dhe Ati Gergj Fishta, françeskan i Shkodrës dhe poet i madh kombëtar shqiptar.

Imzot Luigj Bumçi

Këta dy delegatë të rinj, që gjatë audiencës së Papës, në Romë, morën miratimin e Atit të Shenjtë, afirmojnë në këtë Konferencë bashkimin e ngushtë të krishterëve në Shqipëri me myslimanët në lidhje me kërkesat e tyre kombëtare.

Ati Gjergj Fishta

* Çdo gazetë online apo print, çdo portal që merr këtë shkrim duhet të citojë autorin në fillim të shkrimit (Nga Aurenc Bebja, Francë) dhe burimin e informacionit në fund (Blogu © Dars (Klos), Mat – Albania), si dhe të vendosë linkun e burimit : https://www.darsiani.com/la-gazette/paris-midi-1919-myslimane-e-te-krishtere-te-bashkuar-ne-shqiperi-gjergj-fishta-dhe-luigj-bumci-anetaret-e-rinj-te-delegacionit-shqiptar-ne-konferencen-e-paqes-ne-paris/.