Grabitja në Rinas, zbulohet shifra marramendëse e grabitur dhe kujt banke i përkisnin ato

Dy ditë pas grabitjes spektakolare në pistën e aeroportit të Rinasit, mësohet shifra marramendëse e grabitjes.
Burimet konfidenciale bëjnë të ditur se kjo shumë është midis 20 dhe 30 milionë eurove.
Të njëjta burime bëjnë të ditur se paratë e vjedhura i përkisnin një prej bankave më të mëdha në vend, “Raiffeisen Bank”.
Me fat kanë qenë paratë e një banke tjetër, në nj shifër shumë më të vogël, të cilat ndërsa gjendeshin në një furgon tjetër, nuk kanë “zgjuar” interesin e grabitësve… Ose grabitësit kanë qenë të mirinformuar dhe të fokusuar në grabitjen e tyre.