Grindet me babain, zhduket nga banesa 12-vjeçarja shqiptare në Itali

Një 12-vjeçare shqiptare me banim në Itali është larguar nga shtëpia pas një grindje me babain e saj. Giliana Hoxha u largua rreth orës 22:30 nga shtëpia e saj në Piove di Sacco. Fillimisht ajo tha se do të kthehej për disa minuta, por nuk ndodhi kështu. Të nesërmen në mëngjes prindërit e saj bënë denoncim në polici. Kjo e fundit ka nisur kërkimet, por ende nuk dihet asgjë për fatin e të miturës.