Britania e Madhe hoqi dorë sot nga presidenca e radhës e Bashkimit Evropian, që duhej të merrte më 1 korrik 2017, pas referendumit të muajit të kaluar, ku qytetarët mbështetën largimin e vendit nga unioni. Belgjika është treguar e gatshme të marrë kryesimin e radhës të Bashkimit Evropian në gjysmën e dytë të 2017-ës, ndërkohë që nga 1 janari i këtij viti presidencën e radhës do ta marrë Malta. Megjithatë, vendimin përfundimtar për këtë do ta marrin ambasadorët e BE-së. ”Kryeministrja May vendosi sot që Britania e Madhe duhet të heqë dorë nga kryesimi i radhës”, deklaroi Downing Street.