Jep dorëheqjen Drejtori i Teatrit Kombëtar të Operas dhe Baletit, Ilir Kerni. Mbetet e paqartë dorëheqja e Kernit, në një kohë kur ai po punonte për kalendarin artistik të vitit të ardhshëm. Burime nga Ministria e Kulturës shprehen se dorëheqja është paraqitur për arsye personale. Por burime nga TKOB bënë të ditur se akti i dorëheqjes ka ardhur pas përplasjeve të vazhdueshme të Drejtorit Kerni me drejtues të Ministrisë së Kulturës.