Media të ndryshme perëndimore shkruajnë se ishin më shumë se një milion persona, ata që dolën këtë të diel në sheshin kryesor të Stambollit, në anën europiane, në një mega-miting të thirrur nga qeveria në mbështetje të demokracisë dhe martirëve.
Megjithëse tubimi u thirr nga presidenti Rexhep Taip Erdogan, i cili mbërriti me një helikopter, në të morrën pjesë edhe liderët e dy partive kryesore të opozitës.
Sipas agjencisë turke Anadolu, të tjera mitingje të ngjashme janë mbajtur edhe në lokalitete të tjera. Në këtë mega-manifestim u bë një përmbledhje e ngjarjeve të fundit që pasuan vendin pas grushtit të shtetit të 15 Korrikut.
Të gjithë të pranishmit mbanin flamuj turq, pasi u ndaluan simbolet partiake. Presidenti turk u tha të pranishmëve se kjo ishte një mënyrë për t’i treguar botës se sa i fortë është solidariteti dhe uniteti i vendit.
