Rikthimi i Armaldo Kllogjerit

Ka kënduar në skenat shqiptare dhe të huaja, por asnjëherë në qytetin e lindjes.

Për Armaldo Kllogjerin, ky është momenti që Gramshit, ku u lind dhe jetoi adoleshencën, t’i dhurojë një koncert. Pas 15 vitesh ai kthehet si tenor. Për t’iu dhënë mundësinë të gjithëve, edhe atyre që ndoshta asnjëherë nuk kanë ndjekur një koncert operistik, mbrëmja me arie shqiptare dhe të repertorit botëror të muzikës klasike, do të mbahet në qiell të hapur të kësaj të enjteje. Ringjitja në skenë pas një periudhe pushimi, e fsheh edhe një pritshmëri të një prej zërave më të mirë të operas, rikthimin në Teatrin e Operas dhe Baletit, aty ku edhe e nisi rrugëtimin si këngëtar lirik.