Obama: Takimi me Putinin ishte “konstruktiv por jo vendosës”

Presidenti amerikan, Barack Obama, thotë se ai kishte takim “efikas” me presidentin e Rusisë, Vladimir Putin, në samitin G20 në Kinë, me ç’rast ishte bisdeduar për Sirinë, Ukrainën dhe sigurinë kibernetike.

Obama u tha sot reporterëve në Hanzhou të Kinës se të dy liderët diskutuan për negociatat që po vazhdojnë ndërmjet diplomatëve të tyre të lartë për Sirinë.

Ai tha se janë pajtuar për tu dhënë instruksione diplomatëve që të vazhdojnë përpjekjet gjatë ditëve të ardhshme për arritjen e marrëveshjes që do të çonte në ndalje të qëndrueshme të armiqësive.

Zoti Obama ka theksuar se me këtë marrëveshje duhet të lejohet dërgimi i ndihmave humanitare për civilët që po vuajnë.

Obama ka tërhequr vërejtjen se aktualisht në Siri, ku qeveria e Damaskut, që është aleate e Moskës, po i bombardon forcat opozitare “e pa ndëshkuar”, poforcohet aftësia e grupeve ekstremiste për të rekrutuar anëtarë të rinjë.

Presidenti amerikan, Barack Obama, tha se me Putininka biseduar edhe për Ukrainën dhe për urgjencën e implementimit të marrëveshjes së Minskut.

Ai tha se ia ka bërë të qartë liderit rus se derisa kjo marrëveshje të mos implementohet, Uashingtoni nuk do t’i tërheq sanksionet”.

Obama vlerësoi se takimi me Putinin ishte “konstruktiv por jo vendosës”.