Shën Tereza dhe qoftëlargu në Shqipëri

Prof. Dr. Lisen Bashkurti

Shën Tereza është me gjak shqiptare. Ajo theksonte se atdheu i saj është një vendi i vogël, Shqipëria. Vetë jeta, veprimtaria dhe individualiteti i Shën Terezës sintetizon identitetin shqiptar dhe vlerat universale.

Shën Tereza ka percjelle me kujdes Shqipërinë e shqiptarët kudo në botë. Ajo vizitoi disa herë Shqipërinë e Kosovën. Krijoi kudo ne hapsirat shqiptare misionet e saj bamirëse.

Shën Tereza ndikoi direkt mbi zgjidhjen e çështjes së Kosovës. Ajo ndikoi mbi ShBA dhe Presidentin Klinton për ndërhyrje në Kosovë. Vetë Presidenti Klinton theksonte se “Nënë Tereza më bëri ta dua dhe ndihmoj Kombin Shqiptar”.

Por Shën Tereza ka shprehur edhe brengosjen e saj për Shqipërinë dhe Kosovën. Si shenjtore e filozofe Shën Tereza e shprehu brengen e saj në poezi me stil terthor metaforik.

Në këtë poezi te vitit 1997 Shën Tereza përmendi dëshiren për të shkuar në Shqipëri e Kosovë për të ngjallur 12 shenjtore…por siç duket e pengon “QOFTELARGU”…

Ja lexojeni…

Si shumë po vepron
Qoftëlargu në anët tona !
12 shtatore me figura shenjtësh
do të doja të kisha në Shqipëri,

Patjetër dhe në Kosovë 12 të tjera,
të luteshin murgeshat e mia
për të larguar të keqen
nga atdheu im.

Dua të kthehem në SHQIPERI,
tu shërbej më të varfërve të gjakut tim.

Dhe në nderim të kujtimit të prindërve dua të kthehem,
pranë tyre të mbyll sytë.

Ta dimë, secili nga ne
është krijuar për të bërë vepra të mëdha.

Ku eshte qoftelargu per Shen Terezen?

Atje ku ka konfliktet politike dhe sherret politike eshte ndjenja e urrejtjes, armiqesise dhe hakmarrjes, atje eshte qoftelargu.

Atje ku ne pellgun e varferise ngrihet luksi i babezitjes, kur mjerimi dhe pasuria distancohen perhere e me shume, ku uria ekonomike dhe orgjia e bollekut, ku skamja e skajshme dhe shperdorimi kuterbues bashkejetojne, atje eshte qoftelargu.

Atje ku mungon kohezioni shoqeror, ku perplaset kupola abuzive me rrenojat e mjerimit pa shtrese te mesme, atje eshte qoftelargu.

Atje ku femijet, grate dhe te moshuarit jetojne te pambrojtur e te kercenuar cdo dite, pa arsim e pa shendetsi te sigurt, pa institucione e mjedise clodhese e rekreative, atje eshte qoftelargu.

Atje ku droga mbulon token e shenjte shqiptare, ku mbillet helmi, vdekja, plaget shendetsore e sociale, atje eshte qoftelargu.

Atje ku krimi ben kerdine, ku vrasjet nuk pushojne, ku vjelljet lulezojne si ferrat ne cdo cep, atje eshte vendosur qoftelargu.

Atje ku korrupsioni ka mbire si virus kancerogjen ne nivele te larta te drejtesise, politikes dhe administrates publike, ku diskriminimi zoteron drejtesine, atje eshte qoftelargu.

Tani Shen Tereza eshte prane Zotit. Shen Tereza eshte ndermjetesuesja jone me Perendine. Eshte ndermjetesuesja jone me popujt e botes. Eshte ndermjetesuesja jone ndermjet besimeve te ndryshme. Eshte ndermjetesuesja jone me vlerat universale te mbare njerezimit.

Tani Shen Tereza do na ndihmoje
ne shqiptareve per te perzene edhe qoftelargun njehere e pergjithmone nga trojet ku thone “buke dhe uje”.

Mbare shqiptaret lypet t’i luten Shen Terezes! /Gazeta InfoPress/