Një dizajnere myslimane ka hyrë në histori duke u shndërruar në dizajneren e parë që ka shfaqur mbulesën në të gjitha kreacionet e saj, gjatë javës së modës në New York, shkruan The Independent. Dizajnerja indoneziane, Anniesa Hasibuan, ka mahnitur të pranishmit me koleksionin e saj Pranverë/Verë 2017, të quajtur “D’Jakarta”. Kreacionet ishin kryesisht në ngjyra pastel dhe materialet e përdorura ishin prej mëndafshi. Për më shumë ju sjellim fotografi nga kjo sfilatë.